नेकपा एमालेमा ६५ योग्य उम्मेदवार बामतालमेलका कारण टिकट पाउनबाट बञ्चित हुने भएकाले उनिहरुको व्यवस्थापन समानुपातिक र राष्ट्रिय सभामा गर्ने बताएको छ ।
शुक्रबार एमाले उपाध्यक्ष बामदेव गौतमको निवास भैसेपाटीमा बसेको स्थायी कमिटी बैठकपछि एमाले नेता प्रदिप ज्ञावलीले टिभी अन्नपूर्णसँग कुरा गदैं यसपटक टिकट नपाउने उम्मेदवारलाई समानुपातिक र राष्ट्रिय सभामा टिकट दिने तयारी गरेको बताए ।
प्रतिनिधिसभाका १६५ मध्ये करिव १०० सिट आफूले पाउने नेकपा एमालेले बताएको छ । साथै उसले बाँकी सिटमा चुनाव लड्ने तयारीमा रहेकाहरुलाई वाम तालमेलका लागि त्याग गर्दा चित्त नदुखाउन समेत उनको आग्रह थियो ।
तालमेलका आधारमा एमालेका सम्भावित १ सय सिटमा भने पार्टीप्रतिको निष्ठा र लोकप्रियतालाई मुख्य आधार बनाएर उम्मेदवार चयन गर्ने निर्णय भएको पनि बताएको छ ।
मंसिर १० गते पहिलो चरणमा चुनाव हुने ३२ जिल्लामा एमालेले प्रतिनिधिसभामा २१ र प्रदेशसभामा ४१ सिट पाएको छ ।
No comments:
Post a Comment